علی الاصول

متن ترانه علی الاصول

مکتب سُرخِ حسینی قالاجاقدی
یا حسین عالَمه غوغا سالاجاقدی
شیعه جامه ی وَفا، سویمیه جاقدی
رهبرین عرصه ده تَک قویمیه جاقدی
شیعه اوز عَهدینی سیندیرمیه جاقدی
ئولسه ده دشمنه باش اَگمیه جاقدی
بونی اورگَشمیشوق عبّاسِ علی دن
شیعه اَل چَکمه جاق، راهِ ولی دن

نوکروخ عالَمده بیز آلِ عَلیه
عَلی الاصول
اطاعت ایله روق بیز اَمرِ وَلیَه
عَلی الاصول
باش اَگمه روق ، شِمر و سَنان، حَرملیه
عَلی الاصول
الله اکبر ......

تفرقه حرام اولوب اُمّته یکسر
بیزه واجبدی اولاق تابعِ رهبر
کیم بصیر اولسا تاپار راهِ سعادت
یا نصیبی فَتح اولار، یا کی شهادت
حق یولی دوزدی همیشه پُر خطردی
بو یولون آخری چون، فتح و ظَفردی
گَرک آماده اولاق، صبحِ ظهوره
وار نیازیمیز بو گون، شور و شعوره
بو یولدا بیز نه کُندرو نه با شتاب
عَلی الاصول
بصیر و مُقتدر ولی اهلِ حساب
عَلی الاصول
رهبرین اَمری دور بیزه ، فَصلِ الخِطاب
عَلی الاصول
الله اکبر ......